MUZ Pakistan

آزادی کی اہمیت کا اندازہ صرف اور صرف وہ لوگ لگا سکتے ہیں جنہوں نے ان واقعات کو نہ صرف سن رکھا ہے بلکہ نہایت قریب سے دیکھ اور محسوس کر رکھا ہے۔ آج ہر شخص آزدی کا جشن مناتے پھرتا ہےوہ صرف لطف اٹھا رہا ہے اسے  اگر پوچھ لیا جائے کہ بھائی یہ خوشی کیوں منا رہے ہو تو اس کا ایک ہی جواب ہو گا کہ اس دن ہم آزاد ہوئے تھے  اس کے علاوہ اسے کسی سوال کا جواب نہیں معلوم ہو گا آیا کہ ہم کیوں آزاد ہوئے تھے؟ ہمارا مقصد کیا تھا؟ ہم نے آزادی سے کیا حاصل کیا؟
جناب سب سے پہلے تو ہم بات کریں گے کہ آزادی ہوتی کیا ہے۔ آزادی نعمت تو ہے لیکن اس کا مطلب کیا ہے اس کا مقصد کیا ہے؟ آزادی  سے مراد ہے کہ ہمارا اپنا نظام ہو، ہمارے اپنے قوائد و ضوابط ہوں جن کے تحت ہم اپنی زندگی گزار سکیں۔ آزادی اس فرد کی ضرورت ہوتی ہے جو یہ جانتا ہے کہ جیا کیسے جاتا ہے ،جو یہ جانتا ہے کہ ترجیحات کا تعین کیسے کیا جاتا ہے، جو یہ جانتا ہے کہ اپنے قوائد و ضوابط پر عمل کس طرح کیا جاتا ہے ، جو یہ جانتا ہے کہ آزادی کیا ہے۔ 

آج تک اس دنیا میں جتنی ترقی ہوئی ہے وہ آزاد قوموں کی وجہ سے ہوئی ہے غلام قوم کبھی ترقی نہیں کر سکتی۔ 
تو ابھی ہمیں اپنا جائزہ لینا ہے آیا ہم آزاد ہیں یا نہیں، جیسا کہ اوپر بیان کیا کہ آزاد قوموں کےاپنے آصول ہوتے ہیں اگر اس بات کو آگے لے کر فیصلہ کیا جائے تو پتا چلتا ہے ہمارا تو اپنا قانون ہی نہیں، ہم تو بیرونی قرضوں میں بیرونی امداد کے مستحق ہیں ہمارا تو اپنا سلیکا ہی نہیں ہے۔ ہم تو اوروں کی نقل کر رہے ہیں جبکہ ہم نعرہ لگاتے ہیں ہم آزاد ہیں۔۔
آزادی ایک طرح کی خود مختاریت ہوتی ہے جو کہ ابھی ہم میں نہیں ہے اس لیے ہم آزادی کی اس نعمت سے محروم ہیں بظاہر تو آزاد ہیں لیکن اندر سے ابھی غلام ہیں۔

August 14, 2019 Tags : New post , Urdu Articals , Urdu Posts , UsamaCH , اردو مضامین

Subscribe by Email

Follow Updates Articles from This Blog via Email